வெள்ளைப் பூ

இந்தப் பூவின் பெயர் தெரியவில்லை. இது பூத்திருப்பது ஒரு சிறிய மரத்தில், இல்லையில்லை செடியில் என்றுதான் சொல்ல வேண்டும். இன்னும் சில வருடங்களானால் மரமாகப் பார்க்கலாம்..

குளிர் காலத்தில் இந்தச் செடி  இலைகளை உதிர்த்தவுடன் ஒரு சிறு ஆர்வம் எட்டிப் பார்க்கும். இன்னும் கொஞ்ச நாளில் வெண்பூக்கள் பூக்க ஆரம்பித்துவிடும் என்று.  ஏற்கனவே என் வலைப்பூவில் இந்தப் பூ உலா வந்திருந்தாலும் இந்த வருடமும் ஒரு இடத்தைப் பிடித்துக்கொண்டது.

வெண்ணிற மொட்டுகளை மூடியுள்ள நிறமற்ற மேலுறையுடன்.

மேலுறையை நீக்கிவிட்டு வெளியே எட்டிப் பார்க்கும் மொட்டுக்கள்.

சீக்கிரமே பூத்திடுவோமில்ல !

குட்டிக்குட்டி டியூப்லைட் போட்ட மாதிரி என்ன ஒரு அழகு !  அதற்கு வானமும் ஒத்துழைக்க வேண்டும். நீல வானமில்லாமல், வெண் மேகங்கள் சூழ்ந்திருந்தால் ..... ?

இலைகளே இல்லாத மரத்தில் பெரிய பெரிய வெள்ளை மொட்டுகளைப் பார்ப்பதே தனி அழகுதான்.

பூக்க ஆரம்பிச்சிட்டாங்க‌ !    ரெடி............ஒன் ..............டூ ...............

த்ரீ ........!

முழுவதும் பூத்த நிலையில்.......!    வானம் நீல நிற‌மாக இருந்திருந்தால் செடி பளிச்சென இருந்திருக்கும்.

இன்றைய(03/17/14)  நிலையைப் பார்க்க வேண்டாமா ?

 கொஞ்சம் அருகில்.......


நான் ஏற்கனவே 'வாக்' போன வழியும், இப்போது 'வாக்' போகும் பூங்காவூம் சந்திக்குமிடம் இதுதான்.